لعبة Couples Memes

الموقف يطلع... والرد لازم يبقى ميم

Couples Memes أخف قعدة للكابلز: مواقف بتحصل بجد، وكروت ميمز تختاروا منها الرد الألذ. ضحك من غير كلام تقيل ومن غير مواضيع تقلب خناقة.

إزاي تلعبوا؟

1. اخلطوا كروت المواقف وكروت الميمز كل كومة لوحدها.
2. كل واحد ياخد ٣ كروت ميمز، وحطوا كارت موقف واحد في النص.
3. كل واحد يختار الميم اللي راكب على الموقف، واكشفوا سوا.
4. أضحك ميم أو أظبط رد ياخد نقطة الجولة، واللي يجمع نقط أكتر يكسب.

القعدة دي معمولة لمين؟

لكابل عايز يضحك على التفاصيل اللي بتحصل بينهم، أو لكذا كابل في نفس القعدة.